دەنگ نێت

 

به‌ڕێوبه‌رى گشتی كشتوكاڵى گه‌رمیان ده‌ڵێت: بۆ ئه‌مساڵ له‌گه‌ڵ ئیداره‌ى ناوچه‌كان رێكه‌وتوین لەسەر‌ رێگەدان بە چاندنى برنج و‌ ‌ مه‌ره‌زه‌کردن، ئەمەش لەچوارچێوەی 'یاسا و رێنماییه‌كان'.

 

شادیه‌ حسێن، بۆ رادیۆى ده‌نگ وتى: به‌هاوكارى به‌ڕێوبه‌رایه‌تى ئاودێرى گه‌رمیان و یه‌كه‌ ئیدارییه‌كانى ناوچه‌كان، رێكه‌وتوین به‌ رێگەدان بۆ چاندنى به‌رهه‌مى برنج بۆ ئه‌مساڵ، به‌پێى یاسا و رێنماییه‌كان.

 

وتیشى: مه‌رجى ئێمه‌ بۆ جوتیاران ئه‌وه‌یه‌ كه‌ زیاده‌ڕه‌وى نه‌كه‌نه‌ سه‌ر سه‌رچاوه‌كانى ئاو و زیانیان پێنه‌گه‌یه‌نن، ئه‌مه‌ش به‌ چاودێرى به‌ڕێوبه‌رایه‌تى ئاودێرى گه‌رمیان ده‌بێت.

 

جه‌ختى له‌وه‌شكرده‌وه‌: له‌ سنورى گه‌رمیان دیارىكراو نیه‌ چه‌ند روبه‌رى زه‌وى دەکرێتە مەرەزە.

 

ئه‌مه‌ له‌ كاتێكدایه‌ 2 ساڵى رابردو به‌هۆى وشكه‌ساڵه‌وه‌ له‌ گه‌رمیان رێگە‌ به‌ مەرەزەکردن نەدەدرا و قەدەغە کرابو.