دەنگ نێت

 

به‌ڕێوبه‌رى كاره‌كانى پرۆژه‌ى رێگه‌ى كه‌لار-سلێمانى ده‌ڵێت: به‌هۆى وه‌ستانی بەردەوامی پرۆژه‌كه‌وە له‌ ماوه‌ى 5 ساڵدا، زیاتر له‌ 15 ملیار دینار توشى زیان بوین.

 

رابه‌ر سه‌عید، ئه‌ندازیار و به‌ڕێوبه‌رى كاره‌كانى پرۆژه‌ى رێگه‌ى كه‌لار-سلێمانى، بۆ رادیۆى ده‌نگ باسى له‌وه‌كرد: ماوه‌ى ئەنجامدانی پرۆژه‌ى رێگەى كه‌لار-سلێمانى‌ 1 ساڵ و 5 مانگه‌، كه‌چى ئێمه‌ وا 5 ساڵه‌ كار له‌و پرۆژه‌یه‌ ده‌كه‌ین به‌هۆى وه‌ستانه‌ به‌رده‌وامه‌كانى كاره‌كانى پرۆژەکە‌ به‌هۆى نه‌بونى پاره‌وه‌.

 

وتیشى: له‌و ماوه‌یه‌دا كۆمپانیا توشى زیانێكى زۆر بو، چونكه‌ كاتى خۆى دۆلار به‌ 120 هه‌زار دینار بۆ ئێمه‌ شكێنراوه‌ته‌وه‌، ئێستا نرخه‌كه‌ى زۆر به‌رزتره‌، ئه‌مه‌ جگه‌ له‌ خراپبونی ئامێرەکانی پرۆژه‌كه‌ و به‌رزى نرخ، بۆیه‌ به‌شێوه‌یه‌كى گشتى له‌و ماوه‌یه‌دا زیاتر له‌ 15 ملیار دینار توشى زیان بوین.

 

ئەمەش لەکاتێکدایە کە پرۆژەکە تائێستا رێژەی ئەنجامدانی نەگەشتوەتە 60%.