دهنگ نێت
دەستلەکارکێشانەوەی بەرپرسێکی حكومیی کۆمەڵی دادگهریی لە گەرمیان بە ناڕونی ماوەتەوە، بەرپرسی مەڵبەندی گەرمیانی ئهو حزبهش دەڵێت: سورین لە سەر بڕیارەکەمان و چاوهڕێی دهستلهكاركێشانهوهى ئەندامهكانمانین له ئهنجومهنى پارێزگاى سلێمانى.
رۆژى (1ـی ئایاری 2023)، عەلی باپیر، سەرۆکی کۆمەڵی دادگەریی کوردستان لە راگەیەندراوێکدا ئاشكراى كرد بڕیاریانداوە نوێنەرانیان لە پەرلەمانی کوردستان و ئەنجومەنی پارێزگاکان و حکومەتی خۆجێی سلێمانی دەستلەکارکێشانەوەی خۆیان پێشکەش بکەن.
حەسەن محەمەد، بەرپرسی مەڵبەندی گەرمیانی کۆمەڵی دادگەریی، لهبارهى دهستلهكاركێشانهوهى تاكه نوێنهرهكهیان له حكومهتى خۆجێی گهرمیان كه بهڕێوبهرى ناحیهى باوهنوره له كهلار، بە رادیۆی دەنگی وت: هیچ شتێک لە بڕیارەکەی ئێمە بۆ دەست لە کارکێشانەوەمان نەگۆڕاوە و دەبێت وەکخۆی جێبەجێ بکرێت.
وتیشی: رێکارەکانی دەستلەکارکێشانەوەی ئەندامانی پەرلەمان و ئەندامانی ئەنجومەنی پارێزگا جیاوازە لە ئەو کەسانەی لە پۆستە حکومیەکاندان، چونکە کاتێک ئەندامێکی پەرلەمان دەستلەکاردەکێشێتەوە خانەنشین دەبێت، بەڵام بۆ پۆستە حکومیەکان دەنێردێنە ماڵەوە، بۆ ئەمەش هێشتا بەرچاوڕونی نیە لامان کەچۆن بکرێت.
بەوتەی خۆیشی بۆ دەستلەکارکێشانەوەی تاکە پۆستەکەیان لە گەرمیان، چاوەڕێی دەستلەکارکێشانەوەی ئەندامەکانیان لە ئەنجومەنی پارێزگاکان.
لهبارهى ئهوهى بڕیارهكهى دادگاى فیدراڵی عێراق لهبارهى نایاسایی بونی درێژکردنەوەی تەمەنی پەرلەمانی کوردستان کاریگەری نابێت لە سەر بڕیارەکەیان، حهسهن محهمهد رهدیكردهوه و وتى: سورین لە دەستلەکارکێشانەوەمان.
- دوایین بابەتەکان
-
هەواڵسەنتەرێكی ئۆتیزم بۆ مناڵانی سەرو ١٢ ساڵ لە كەلار دەكرێتەوە
-
-
هەواڵچارەنوسی پارکە خێزانییەکەی کەلار بەنادیاریی ماوەتەوە
-
-
هەواڵپەروەردەی گەرمیان لەسەر دیارییکردنی یەکەم و دوەمی قوتابخانەکان رونکردنەوە دەدات
-
-
هەواڵبەڕێوبەرایەتی ئاوی گەرمیان: لەسەر بەفیڕۆدانی ئاو چەندین کەسمان سزاداوە
-
-
هەواڵدواى 12 ساڵ جارێكى تر پرۆژهیهكى گهشتیاریی له كهلار كهوتوهتهوهكار
-
زۆرترین بینراوەکان
