دەنگ نێت

 

بەڕێوبەری گشتی کشتوکاڵی گەرمیان دەڵێت: هیچکام لە پرۆژەکانی نیشتەجێبون لە سنوری کەلار، لەسەر زەویی کشتوکاڵیی نین.

 

شادیە حسێن، بە رادیۆی دەنگی راگەیاند: هیچ پرۆژەیە‌كى نیشته‌جێبون له‌سه‌ر زه‌وى ئێمه‌ نه‌بوه‌، به‌ڵكو ته‌نها 618 دۆنم زه‌ویمان ته‌رخان كراوە‌ بۆ فراوانكردنى شار.

 

ئەمەش دوای ئەوەهات کە بەپێی راپۆرتێک، سەروی ٣ ملیۆن مەتر زەوی لە کەلار کراوە بە پرۆژەی نیشتەجێبون.

 

به‌ڕێوبه‌رى گشتى كشتوكاڵى گه‌رمیان، لەوبارەوە رونیکردەوە: له‌ ساڵى 2012ـه‌وه‌ تاوه‌كو ئێستا ئه‌م پرۆژانه‌ له‌ سنورى كه‌لار كراون: مامۆستایان، پیشه‌وه‌ران، فه‌رمانبه‌ران و لانه‌ستى، كه‌ له‌سه‌ر روبه‌رى 1 هه‌زار و 26 دۆنم زه‌ویه‌، ئەم زەویانەش هه‌موى به‌رده‌ڵانیه‌ (صخري) كه‌ هى وه‌زاره‌تى داراییه‌.

 

وتیشى: ته‌نها پرۆژه‌یه‌ك كه‌ زه‌وى كشتوكاڵى بۆ ته‌رخان كرابو، پرۆژه‌ى ئیلیانه‌ كه‌ 550 دۆنم زه‌وى بو، به‌ڵام ئه‌ویش به‌ فه‌رمانێكى ئه‌نجومه‌نى وه‌زیران هه‌ڵوه‌شاوه‌ته‌وه‌ و نه‌كراوه‌.

 

جه‌ختى له‌وه‌شكرده‌وه‌: له‌وماوه‌یه‌دا ته‌نها 618 دۆنم زه‌ویمان ته‌رخان كردوه‌ بۆ فراوانكردنى قه‌زاى كه‌لار كه‌ زه‌وى كشتوكاڵین.