ژینگەپارێزانی گەرمیان بەبێ پێدانی موچەکانیان لەلایەن حکومەتەوە دەستیان بە کارکردن کردەوە

هەواڵ

12:12AM - 2023/05/18 , بینین : 301

دەنگ نێت

کرێکارانی کۆمپانیاکانی کۆکردنەوەی خۆڵ و خاشاک لە گەرمیان دەستیان بەکارکردن کردوەتەوە، بەبێ ئەوەی حکومەت هیچ پارەیەکیان بۆ خەرج بکات.

لە چەند رۆژی رابردودا، کرێکارانی کۆمپانیای گەردین کە کاری کۆکردنەوەی خۆڵ و خاشاکی سنوری گەرمیان دەکات، بەهۆی پێنەدانی موچەکانیانەوە، مانیانگرت.

بەرزان کەریم، بەڕێوبەری گشتی شارەوانیەکانی گەرمیان، بە رادیۆی دەنگی وت: کرێکارەکان لە ئێستادا موچەکانیان پێدراوە و دەستیان بەکارکردن کردوەتەوە.

بەڵام رەتیکردەوە حکومەت پارەی بۆ خەرج کردبن، بەڵکو وەکخۆی وتی: ئیدارەی گشتی یەکێتی نیشتمانی پارەی بۆ دابین کردون.

وتیشی: گرفتی نەبونی پارەی نەختینە لە بانک بەردەوامە و ناتوانرێت هیچ بڕە پارەیەک بۆ کۆمپانیا خەرج بکرێت.

ئەوەش لەکاتێکدایە موچەی ٣ مانگی کرێکارەکانی کۆمپانیای کۆکەرەوەی خۆڵ و خاشاکی گەرمیان نەدراوە، لەگەڵ ئەوەشدا بڕی ٦٠ هەزار دینار لە موچەکانیان کەمکراوەتەوە.

دوایین بابەتەکان

هەواڵ

قوتابخانەیەک لە کەلار بانگەشە بۆ پرۆژەیەکی وەبەرهێنان دەکات