دەنگ نێت

 

لیپرسراوى هۆبه‌ى كوشتارگه‌كان له‌ به‌ڕێوبه‌رایه‌تى ڤێته‌رنه‌رى گه‌رمیان ده‌ڵێت: دوكانى مریشك فرۆشه‌كان كه‌ كراوه‌ته‌وه‌ له‌ گه‌رمیان‌ له‌لایه‌ن ئێمه‌وه‌ مۆڵه‌تیان نیه‌ و كردنه‌وه‌شیان نایاساییه‌.

 

د. دلێر محه‌مه‌د، بۆ رادیۆى ده‌نگ وتى: دوكانى مریشك فرۆشه‌كان له‌ گه‌رمیان نه‌ له‌لایه‌ن وه‌زاره‌تمانه‌وه‌ نه‌ له‌لایه‌ن به‌ڕێوبه‌رایه‌تیمانه‌وه‌ مۆڵه‌تیان نیه‌ و كردنه‌وه‌شیان نایاساییه‌، به‌ڵام به‌هۆى بارودۆخ و گوزه‌رانى هاوڵاتیان و داخوازى هاوڵاتیان له‌سه‌ر ئه‌وه‌ى كه‌ ده‌یه‌وێت گۆشتى مریشكێك به‌كاربهێنێت تازه‌ بێت، كراونه‌ته‌وه‌، ئه‌گه‌رنا به‌بێ رێنماى ئێمه‌ كراونه‌ته‌وه‌.

 

وتیشى: له‌گه‌ڵ ئه‌وه‌شدا له‌گه‌ڵ هه‌ر ده‌رچونێكى لیژنه‌كانماندا سه‌ردانى دوكانى مریشك فرۆشه‌كان ده‌كه‌ن، ته‌نانه‌ت مریشكى نه‌خۆش هه‌بوه‌ ده‌ستیان به‌سه‌ردا گرتوه‌، سه‌رچاوه‌ى مریشكه‌كه‌شیان دۆزیوه‌ته‌وه‌ و سزا دراوه‌.

 

هێماى بۆ ئه‌وه‌شكرد: له‌ روى پاكوخاوێنى و مۆڵه‌تى ته‌ندروستیان كه‌ هی ئێمه‌ نیه‌، به‌دواداچون ده‌كه‌ن.