دەنگ نێت

 

پێشنیوەڕۆی ئەمڕۆ پێنجشەمە، هەریەکە لە: ئارام حەسەن و شەرمین عەلی هاوسەری، بە کەفالەت ئازادکران.

 

بڕوا حەسەن، برای ئارام، هەواڵەکەی بۆ رادیۆی دەنگ پشتڕاستکردەوە و وتی: هەریەکە لە ئارامی برای و شەرمین عەلی هاوسەری ئارام، ئەمڕۆ بە کەفالەت ئازادکران.

 

نیوەڕۆی چوارشەمە (٢٦ـی نیسانی ٢٠٢٣)، ئارام حەسەن و شەرمین عەلی کە فەرمانبەری بەڕێوەبەرایەتی باجی خانوبەرەی گەرمیانن، لە ماڵەکەی خۆیاندا لە گەڕەکی شەهیدانی کەلار لەلایەن ئاسایشەوە دەستگیرکران و بۆ گرتوخانەی ئاسایش لە سلێمانی گوازرانەوە

 

ئارام حەسەن، پێشتر بەرپرسی پەیوەندییەکانی دەروازەی پەروێزخان و شەرمین عەلی بەرپرسی راگەیاندنی دەروازەکە بو، بەڵام دواتر بە فەرمانی وەزیری دارایی راژەکەیان لە دەروازەکەوە گوازرایەوە بۆ بەڕێوبەرایەتی باجی خانوبەرەی گەرمیان. هاوکات شەرمین عەلی، بۆ ماوەی چەند ساڵێک پەیامنێری کەناڵی (KNN) بو.

 

‏