دەنگ نێت

 

خاوەنی کێڵگەیەکی پەلەوەری لە گەرمیان دەڵێت: لەگەڵ قایمقامیەتی کەلار رێککەوتوین و مریشک هەناردەی شارەکانی عێراق دەکەینەوە.

 

ئیدریس ئەحمەد، خاوەنی کێڵگەی پەلەوەری توران لە گەرمیان، بۆ رادیۆی دەنگ وتی: ئەو رێگریانەی کە هەبون بۆ هەناردەکردنی بەرهەمی مریشک بۆ شارەکانی عێراق، هەڵگیراوە، ئێستا مریشک دەنێرینەوە بۆ ناوچەکانی  عێراق.

 

وتیشی: تەنها ئەو مریشکانە دەنێرین کە کێشیان تاوەکو ١٩٠٠ گرامە (کیلۆیەک و ٩٠٠ غەرام)، لەوە زیاتر نانێرین.

 

لە بارەی دانەبەزینی نرخی مریشکیشەوە، ئەو خاوەن کێڵگەی پەلەوەرە کێشەکەی گەڕاندەوە بۆ ئەو گرانیەی لە دەستکەوتنی پێداویستییەکان و  بەڕێوبردنی کێڵگەکانیان روبەڕویان دەبیێتەوە، کە ئەمەش دەبێتە هۆی ئەوەی جوجکەی نوێ بۆ ناو کێڵگەکانیان نەهێنن، بەمەش بەرهەمی مریشک کەم دەکات و نرخی لە بازاڕدا زیاد دەبێت.

 

لەچەند رۆژی رابردودا و بۆ رێگرییکردن لە زیادبونی نرخی مریشک کە کیلۆی لە ٥ هەزار دینار نزیک بویەوە، قایمقامیەتی قەزای کەلار بڕیاریدا رێگە لە هەناردەکردنی بەرهەمی مریشک لە کێڵگەکانی بەرهەمهێنانی مریشکی سنورەکە بگیرێت بۆ ئەوەی بەرهەمەکانیان هەناردەی شارەکانی ناوەڕاست و باشوری عێراق نەکەن.