دەنگ نێت

 

دو بنکەی ئاسایش لە گەرمیان دەبنە یاریدەدەرێتی (معاونیەت)، بەپێی زانیاریەکانیش یەکێک لە بنکەکان لەسەر ئاسایشی گەرمیان لادەبرێت و دەخرێتە سەر دەزگای ئاسایشی هەرێم.

 

هەریەک لە بنکەکانی ئاسایشی مەرزی پەروێزخان و ناحیەی رزگاری کراون بە یاریدەدەرێتی و فەرمانیان بۆ دەرچوە، بەڵام دیار نیە لێپرسراوەکانیان دەگۆڕدرێن یاخود نا، چونکە هیچ فەرمانێک بۆ لێپرسراوەکانیان دەرنەچوە.

 

لە ئێستادا لێپرسراوی یاریدەدەرێتی ئاسایشی پەروێزخان خالید ساڵەحە و لێپرسراوی یاریدەدەرێتی ئاسایشی رزگاری بورهان ئیبراهیم ـە.

 

بەپێی زانیاریەکانی رادیۆی دەنگ، پاش گۆڕانی ئاسایشی پەروێزخان لە بنکەوە بۆ یاریدەدەرێتی دەنگۆیەک هەیە لەسەر بەڕێوبەرایەتی ئاسایشی گەرمیان جیابکرێتەوە و بخرێتە سەر دەزگای ئاسایشی هەرێمی کوردستان.

 

رادیۆی دەنگ بۆ زانیاری زیاتر لەسەر یاریدەدەرێتیەکە و ئیشوکارەکانیان لە گەرمیاندا، پەیوەندی بە عوسمان عەبدولکەریم، وتەبێژی ئاسایشی گەرمیانەوە کرد، بەڵام پەیوەندیەکەی بێوەڵام بو.

 

 پێشوتر بەشی ئۆپراسیۆنەکانی ئاسایش لە بەڕێوبەرایەتیەکانی ئاسایشی ناوچەکان جیاکرایەوە و کرا بەیەک بەڕێوبەرایەتی سەربەخۆ و دواتر بەشی ئۆپراسیۆنەکان لە ئاسایشی گەرمیان پەیوەست کرا بەو بەڕێوبەرایەتییە تازەیەوە.