دەنگ نێت

 

بەشێک لە کارەکانی رێگای کەلار- کفری هێشتا تەواو نەکراوە، ئەندازیاری سەرپەرشتیاری پڕۆژەکەش دەڵێت: ٢ ملیارمان لای حکومەتە.

 

بەشێکی زۆری کارە هونەریەکان لە رێگای کەلار- کفری وەکخۆی ماوەتەوە و تاوەکو ئێستا تەواو نەکراوە، لەگەڵ ئەوەشدا پڕۆژەی دەروازەی کفری هیچ کاری تێدانەکراوە.

 

سەرۆکی شارەوانی کفری، عەلی خورشید، بە رادیۆی دەنگی وت: بەهۆی قەیرانی دارایی و کەمی خەرجکردنی پارەوە، کارەکانی پرۆژەکە سست بوە، بەڵام رانەوەستاوە و دەست  بەتەواوکاریی پڕۆژەکە دەکەن.

 

لایخۆشیەوە، شکار عەبدوڵڵا، ئەندازیاری سەرپەرشتیاری پڕۆژەی رێگای کەلار- کفری، بۆ رادیۆی دەنگ وتی: تاوەکو ئێستا ٢ ملیارمان لای حکومەتە بۆی خەرج نەکردوین، کە ئەمەش هۆکاری راوەستان و تەواونەکردنی کارەکانمانە.

 

دەشڵێت: بۆ دروستکردنی پڕۆژەی دەروازەی کفری پێویستمان تەنها بە ٣٠٠ ملیۆن دینارە و بەگشتیش بۆ تەواوکردنی ئەو کارانەی لە رێگای کەلار- کفری دا ماون، زیاتر لە یەک ملیار دینارمان پێویستە.