رادیۆی ده‌نگ
یه‌كه‌ى چاودێری حكومه‌تى خۆجێی گه‌رمیان و یه‌كه‌ى رۆژنامه‌وانى مافه‌كانى مرۆڤ له رادیۆی ده‌نگ، گفتوگۆیه‌ك له‌باره‌ى گه‌نج له حكومه‌ت دا له گه‌رمیان، له سه‌روبه‌ندى رۆژى جیهانى گه‌نجان به‌ڕێوه‌برد.
له‌گفتوگۆكه‌دا هه‌ریه‌كه له (ده‌رون عومه‌ر) به‌ڕێوبه‌رى گشتى چاودێریی و گه‌شه‌پێدانى كۆمه‌ڵایه‌تى گه‌رمیان، (یادگار فه‌تاح) به‌ڕێوبه‌رى نه‌وت و كانزاكانى گه‌رمیان، (هونه‌ر عه‌لی) چالاكوان و (سایه حه‌مید) رۆژنامه‌وان به‌شداربون و گفتوگۆیان له‌باره‌ى پرسی به‌شداریی گه‌نج له حكومه‌ت دا كرد.
سه‌ره‌تا هه‌ردو به‌ڕێوبه‌ره‌كه باسیان له ئه‌زمونى خۆیان كرد له‌و دو ده‌زگایه‌ى به‌ڕێوه‌ى ده‌به‌ن، ئاله‌نگارییه‌كانی به‌رده‌میان خسته‌ڕو، هاوكات هه‌نگاوه‌كانى كاركردنى خۆیشیان گێڕایه‌وه. جه‌ختیان له‌وه‌كرده‌وه كه بونى گه‌نجان له حكومه‌ت و جومگه‌كانى ده‌سه‌ڵاتدا زۆرگرنگه، به‌ڵام ئه‌مه‌ش به‌و مانایه نا كه ته‌نها تایبه‌تمه‌ندى ئه‌و كه‌سانه گه‌نج بونه‌كه‌یان بێت، به‌ڵكو بڕوانامه و ئه‌زمون و پاشخان و وردبون له‌كاره‌كانیش دا گرنگ و پێویسته.
هاوكات هه‌ردو رۆژنامه‌وان و چالاكوانه‌كه‌ش هه‌ڵسه‌نگاندنى خۆیان بۆ ئه‌م به‌شدارییه كرد و به‌گشتى ئاماژه‌یان به‌وه‌كرد كه بونى گه‌نجان له حكومه‌ت دا، واده‌كات بزاوت و جوڵه‌ى زیاتر له‌و ده‌سه‌ڵاته‌دا هه‌بێت، هه‌روه‌ك به‌شداریی گه‌نجان له حكومه‌ت دا له سنورى گه‌رمیان، به رای ئه‌وان راده‌ى تێكه‌ڵبونى به‌رپرسانیان به هاوڵاتیان و كێشه‌كانیان باشتر كردوه.
- دوایین بابەتەکان
-
بەرنامەبەفیڕۆدانی ئاو چ لێکەوتەیەکی بۆ داهاتو دەبێت؟
-
-
هەواڵبەرپرسێک لە کارەبای گەرمیان: لە پرۆژەی 'روناکی' هەر هاوبەشێک مانگانە 72 هەزار دیناری لەسەر دەکەوێت
-
-
هەواڵد. ئەکرەم مەحمود: هەندێک هۆکاری نەخۆشییەکانی شێرپەنجە هەن دەتوانین نەیانهێڵین
-
-
هەواڵچالاکوانان: کردنەوەی کۆلێج لە ناحیەی رزگاریی دەبێتە هۆی زیادبونی زانست و مەعریفەت لە ناوچەکەدا
-
-
هەواڵمامۆستایەکی زانکۆ: هاوڵاتیان دەتوانن بەبێ پاتریش سود لە وزەی خۆر بۆ کارەبا وەربگرن
-
زۆرترین بینراوەکان
