|
یهكهى چاودێرى بهدواداچون بۆ پڕۆژهكانى وهبهرهێنان دهكات
2021/04/22
1010 جار بینراوە
رادیۆى دهنگ
بۆ بهدواداچونى راپۆرتى ژماره(١١)ى یهكهى چاودێرى حكومهتى خۆجێی گهرمیان، كه تایبهته به كێشه و گرفتهكانى یهكهكانى نیشتهجێبون له سنورى گهرمیان ستافى یهكهكه لهگهڵ بهڕێوبهرى وهبهرهێنانى گهرمیان كۆبوهوه.
له راپۆرتى ژماره (١١)دا بهدواداچون بۆ گرفتى یهكهكانى نیشتهجێبون له سنورى گهرمیان كراوه و ئهو كێشانهى كه له رابردو و ئێستادا ههیهتى خراوهتهڕو، هاوكات باس له ههنگاوهكانى حكومهت و رۆڵی له چارهسهركردن و بهدواداچونكردنى ئهو كێشانهش كراوه.
هونەر مهحمود، بەڕێوبەری وەبەرهێنانی گەرمیان ئاماژەی بە چەند بەرەوپێشچونێک کرد لە کارەکانی وەبەرهێنان له گەرمیان وهك پێدانى چهند دهسهڵاتێك به به بهڕێوبهرایهتیهكه بۆ ئهوهى زیاتر دهسكراوهبن له چاودێریكردن و بڕیاردان لهبارهى پڕۆژهكانى وهبهرهێنانهوه.
باسى لهوهشكرد: ژمارهیهك پڕۆژهى دیكه بۆ دروستكردنى یهكهى نیشتهجێبون له سنورى گهرمیان پێشكهشكراون، بهڵام وهڵام نهدراونهتهوه و ههڵسهنگاندنیان بۆ دهكرێت و دواتر وهڵام دهدرێنهوه.
|