بەڕێوبەری پەیجەکانی سۆسیال میدیا لەگەرمیان ئاشنادەکرێن بە بنەما یاساییەکان

2024/06/29    187 جار بینراوە
 
رادیۆی دەنگ
 
بەڕێوبەر و نوێنەری پەیجەکانی سۆسیال میدیا لەگەرمیان، لەمیانەی خولێکدا ئاشنا دەکرێن بە بنەما یاساییەکانی بڵاوکردنەوە.
 
رادیۆی دەنگ بە پاڵپشتی سندوقی نیشتمانی بۆ دیموکراسی NED، ئەمڕۆ شەمە (٢٩ـی حوزەیرانی ٢٠٢٤)، خولێکی راهێنانی یەک رۆژەی بۆ ژمارەیەک لە بەڕێوبەر و نوێنەرانی پەیجەکانی سۆسیال میدیا لە گەرمیان رێکخست کەتیایدا (١٤) بەڕێوبەر و نوێنەری پەیجەکان لە هەمو گەرمیان بەشدار بون.
 
لە خولەکەدا کەلەلایەن پارێزەر: (کاوە لەتیف)ـەوە پێشکەشکرا، بە وردیی لەسەر ئەو یاسا بەرکارانە قسە کرا کە پەیوەندییدارن بە بڵاوکردنەوە لە سۆسیال میدیادا و بڕگەکانی بۆ بەشداران شییکرایەوە.
 
بەشداران پرسیار و تێبینییەکانی خۆیان خستەڕو و بە وردییش گفتوگۆ کرا لەبارەی ئەو ئالەنگاریی و کێشانەی لەم بوارەدا روبەڕویان دەبێتەوە، هەروەک باس لە چۆنیەتی پابەند بون بە یاسا بەرکارەکان و خۆپاراستن لە گرفتی یاساییەکانیش کرا.
 
 


Radiodeng.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 4,293,440     ژمارەی میوان 1170