بۆ ماوەی زیاتر لە 5 ساڵە تۆمارکردنی پرۆژەی بازرگانی لە گەرمیان راگیراوە، فەرمانگەی تاپۆی سنورەکەش دەڵێت: نەبونی یاسایەکی تایبەتمەند هۆکارە.

ئەکرەم رەزا، بەڕێوەبەری بەڕێوبەرایەتی تۆماری خانوبەرە "تاپۆ"ـی گەرمیان، بۆ رادیۆی دەنگ وتی: لە ساڵی ٢٠٢٠ـەوە تۆمارکرنی موڵکی بازرگانی راگیراوە، ئەگەرچی پێشتر ئەو موڵکانە تۆمار دەکرا، بەڵام بەدەمەوەهاتن کەمبو.

دەشڵێت: ئەوەی هەبوە بۆ تۆمارکردنی موڵکی بازرگانی رێنمایی بوە و یاسایەکی تایبەتمەند نیە بۆ ئەو مەبەستە، ئەمەش یەکێکە لە گرفتەکان کەوایکردوە تۆمارکردن بەیەکجاریی بوەستێت.

لەگەرمیان چەندین پرۆژەی بازرگانیی بونیان هەیە، بەشێکیان بەشێوەی بانەوانی (مساطحة)ـن و دوای ماوەیەک خاوەندارێتییەکەیان بۆ شارەوانی دەگەڕێتەوە، بەڵام بەشێکی تریان وەبەرهێنانی بازەگانیین و دەتوانرێت بۆ خاوەنی پرۆژەکان تەملیک بکرێن.