رادیۆی دەنگ- زریان محەمەد
لە خوارەوە گوێبیستی تەواوی راپۆرتەکە بە:
کاتێک چنار چوە پەیمانگای هونەرەجوانەکان، ئاواتی ئەوەبو کە بتوانێت لە بواری هونەردا پسپۆڕیی وەربگرێت و دواتریش هەر لەو بوارەدا کاربکات، بەڵام وا ١٠ ساڵە ئەو پەیمانگایەی تەواو کردوە و ئاواتەکەیشی بەدیینەهاتوە.
به‌شێكى زۆرى كچانى ده‌رچوى په‌یمانگاى هونه‌ره جوانه‌كان له گه‌رمیان گله‌ى و گازنده‌ى ئه‌وه ده‌كه‌ن ده‌رفه‌تى كاریان نیه له پسپۆرییه‌كه‌ى خۆیاندا، بۆیە یان ناچارن له ماڵه‌وه‌دا بمێننه‌وه، یاخود له بواری تردا كار بكه‌ن.
چنار ئیسماعیل، ١٠ ساڵه بەشی شێوەکاریی پەیمانگای هونەرەجوانەکانی تەواوکردوە، به‌ڵام تاوه‌كو ئێستا له ماڵه‌وه‌یه، ئه‌و ده‌ڵێت: ده‌رفه‌تمان بۆ نه‌هاتوه‌ته‌پێش له پسپۆڕییه‌كه‌ى خۆمدا كاربكه‌م.
لەسنوری گەرمیاندا یەک پەیمانگای هونەرەجوانەکان هەیە کە لە قەزای کفرییە.
به‌پێى ئامارێكى په‌یمانگاکە، له ماوه‌ى ٢٤ ساڵى دامه‌زراندنیه‌وه تاوه‌كو ئێستا، (٧٠٠) خوێندكار له هه‌ردو ره‌گه‌ز له هه‌رسێ به‌شى شانۆ، شێوه‌كارى و ميوزيك دەرچون، له‌و رێژه‌یه‌ش زیاتر له ٢٠٠ دەرچویان له ره‌گه‌زى مێ بون.
دۆلۆڤان عه‌تا، یەکێکە لەو ٢٠٠ دەرچوە، دوای تەواوکردنی پەیمانگاکە ده‌رفه‌تى بۆ نه‌ڕه‌خساوه له پسپۆڕییه‌كه‌ى خۆیدا كاربكات، ئەگەرچی یەکێک بوە لە یه‌كه‌مه‌كانی بەش و قۆناغەکەی خۆی.
بواری کارکردنی دەرچوانی پەیمانگاکانی هونەرەجوانەکان سنوردارن، بەپلەی یەکەم دەبێت وەکو مامۆستا لە باخچە و قوتابخانە حکومی و ناحکومییەکان دەستبەکاربن.
یوسرا عه‌لى، دەرچویەکی دیکەی پەیمانگای هونەرەجوانەکانە، باسى له‌وه کرد: ته‌نها ده‌توانن ببن به مامۆستا، ئەویش ئەگەر بۆیان بڕەخسێت.
بەڕای یوسرا، کێشەیەکی تر ئەوەیە ناتوانن بڕوانامه‌كانیان بگۆڕن له دبلۆمه‌وه بۆ به‌كالۆریۆس، ئه‌مه‌ش به هۆكارى نه‌بونى كۆلێژى هونه‌ره جوانه‌كان له سنوره‌كه، سه‌ربارى ئه‌مه‌ش ناتوانن پسپۆرییه‌كانیان بگۆڕن.
نەبونی دەرفەتی کار بۆ کچانی دەرچوی پەیمانگا و کۆلێژەکانی هونەرەجوانەکان، هانیداون بە ناچاری رو لە بواری دیکەی کارکردن بکەن.
دلۆڤان عه‌تا، دوای بێئومێدبون لە کارکردن لە پسپۆڕییەکەی خۆی، ئێستا کاری ئارایشت دەکات، سەبوریشی بەوەدێت کە کارەکەی پەیوەندیی بە جوانکارییەوە هەیە و هەندێک لە پسپۆڕییەکەیەوە نزیکە.
نەبونی دەرفەت و هەلیکار بۆ دەرچوانی کۆلێژ و پەیمانگاکانی هونەرەجوانەکان، وایکردوە بەشێکی زۆریان پشت لەو حەز و توانا هونەرییانە بکەن کە هەیانە، لە نێویشیاندا کچان، لێکەوتەی ئەم دۆخەش رەنگە لە داهاتودا زەقتر و قورستر لەسەر باری هونەریی و رۆشنبیریی ناوچەکە بکەوێت.
- دوایین بابەتەکان
-
هەواڵدۆسیەی فرۆشتنی زەوی لەلایەن شارەوانی کفرییەوە بە قەدەغەکراویی ماوەتەوە
-
-
راپۆرتچەقۆ، مەترسییەک لەسەر گەردنی گەنجانی گەرمیان
-
-
هەواڵداواکاری گشتی گەرمیان سکاڵا لەسەر کارگەیەک دەجوڵێنێت
-
-
بەرنامەمەترسیی و لێکەوتەکانی پاشماوەی پاتری بۆسەر ژینگە
-
-
بەرنامەشانۆ چۆن ده‌توانێت خزمه‌ت به بوارى رۆشنبیریی له گه‌رمیان بكات؟
-
زۆرترین بینراوەکان
