رادیۆی دەنگ
بەوتەی به‌رپرسانى به‌ڕێوبه‌رایه‌تى كشتوكاڵی گه‌رمیان و یه‌كێتى جوتیاران، ئەم شەپۆلی وشکە سەرمایەی کە ناوچەکەی گرتوەتەوە بێوێنەیە و زیاتر لە ٥۰٪ زیانی هەبوە بۆ بەروبومی جوتیارانی سنورەکە.
سیامەند عومەر، بەڕێوبەری باخداری له به‌ڕێوبه‌رایه‌تى گشتى كشتوكاڵی گەرمیان، بە رادیۆی دەنگی وت: لەسەردانماندا بۆ پشکنینی بەروبومی سێ جوتیار لە سنوری گەرمیان لە گوندەکانی: کانی ماسی، موسا و شێرەوەن له‌وبه‌رى سیروان، بۆمان دەرکەوت زیانێکی زۆربە بەروبومەکانیان گەشتوە بەهۆی ئەم کەشە ساردەی کە هەیە.
وتیشی: ساڵەکانی رابردو سەرما هەبو، بەڵام هیچ ساڵێک وشکەسەرمای لەمجۆرە نەبوە، بۆیە زۆربەی جوتیاران سەرەڕای پابەندبون بەرێنماییەکانیشەوە، زیان گەیشتوە بە بەروبومیان.
باسی لەوەشکرد: رێژەی زیانەکان تائێستا ٥۰٪ بوە لە دو گوندیان کە سەردانمان کردون، بەڵام ئەگەری هەیە دوبارە بەروبومەکانیان سەوزببنەوە دوای نەمانی ئەم کەشە ساردە.
لایخۆشیه‌وه سه‌رۆكى لقی گه‌رمیانى یه‌كێتى جوتیارانى كوردستان، جه‌خت له زیانمه‌ندبونى جوتیاران به‌م حاڵه‌ته ده‌كاته‌وه.
جه‌لال ئه‌حمه‌د، بۆ رادیۆى ده‌نگ وتى: ئه‌و سه‌رمایه‌ى كه گه‌رمیانى گرتوه كاریگه‌رى بۆسه‌ر به‌رهه‌مى دانه‌وێڵه هه‌بو به‌تایبه‌ت گه‌نم كه به‌شێكى زه‌ردبوه.
ئاماژه‌ى به‌وه‌شدا كه له‌گه‌ڵ كه‌می بارانبارینی ئه‌م وه‌رزه، سه‌رماكه كاریگه‌ریی زیاتری دروستكردوه له‌سه‌ر به‌رهه‌مى كشتوكاڵی.
وته‌بێژی به‌ڕێوبه‌رایه‌تى گشتى كشتوكاڵی گه‌رمیان، پاڵپشتی له‌م بۆچونه‌ى سه‌ره‌وه ده‌كات.
ستار عەلی، بۆ رادیۆی ده‌نگ وتى: زه‌ویه‌كانى ناوچەی گەرمیان زۆربه‌یان دەیمن و پشت بەباران دەبەستن، سەرەتای باران بارین باشبو، دواتر ماوەیەکی دورودرێژ باران نەباری کەنزیک دو مانگ بو، ئەوەش کاریگەری هەبو لەسەر دانەوێڵە.
ئه‌و سه‌رمایه‌ى روى له گه‌رمیان كرد، بێ وێنه بوه لانیكه‌م له ماوه‌ى بیست ساڵی رابردودا، ئه‌ویش كاتێك شه‌پۆلێكى سه‌رماى سیبیری هه‌ڵیكرده سه‌ر ناوچه‌كه و له‌زۆرێك له شاخ و به‌رزاییه‌كانى ناوچه‌ى گه‌رمیان به‌فر باریی و شاخه‌كانى ده‌وروبه‌رى گه‌رمیانیشی سپی پۆش كرد.
له‌باره‌ى ئه‌وه‌ى زیاتر له‌سه‌ر چ به‌رهه‌مێك زیانه‌كه‌ى هه‌بوه، ئه‌و به‌رپرسانه‌ى به‌ڕێوبه‌رایه‌تى كشتوكاڵ و یه‌كێتى جوتیاران ئاماژه‌یاندا كه له هه‌مو جۆره‌كاندا كاریگه‌ریی هه‌بوه زۆر تا كه‌م، به‌ڵام به‌وهۆیه‌ى زیاد له هه‌ر به‌رهه‌مێك دانه‌وێڵه ده‌چێنرێت، بۆیه كاریگه‌رییه‌كه به‌سه‌ر ئه‌وه‌وه زیاتر دیاره.
- دوایین بابەتەکان
-
هەواڵبەڕێوبەری چاودێری کۆمەڵایەتی: لە دوهەفتەدا سەنتەرێکی ئۆتیزمی حکومی لە کەلار دەکەینەوە
-
-
هەواڵدۆسیەی فرۆشتنی زەوی لەلایەن شارەوانی کفرییەوە بە قەدەغەکراویی ماوەتەوە
-
-
راپۆرتچەقۆ، مەترسییەک لەسەر گەردنی گەنجانی گەرمیان
-
-
هەواڵداواکاری گشتی گەرمیان سکاڵا لەسەر کارگەیەک دەجوڵێنێت
-
-
بەرنامەمەترسیی و لێکەوتەکانی پاشماوەی پاتری بۆسەر ژینگە
-
زۆرترین بینراوەکان
