رادیۆی ده‌نگ- زریان محه‌مه‌د
كۆمه‌ڵێك گه‌نجن به خۆبه‌خشى گروپێك به‌ڕێوه ده‌به‌ن، كارى ئه‌م گروپه خۆى له هۆشیاركردنه‌وه‌ى گه‌نجان و قبوڵكردنى ئایدیا جیاوازه‌كان ده‌بینێته‌وه، بۆ ئه‌و مه‌به‌سته‌ش له رێگه‌ى تۆماركردنى ڤیدیۆه په‌یامه‌كانیان ده‌گه‌یه‌نن.
گروپه‌كه ناوى "سه‌یج"ـه، له 9 ئه‌ندام پێكدێت و ماوه‌ى 3 ساڵه دامه‌زراوه. شێوه یوسف، كه به‌رێوبه‌رى تیمى گروپه‌كه‌یه، باس له‌وه‌ده‌كات ئه‌وان به‌شێوه‌یه‌كى سه‌ره‌كی كار له‌سه‌ر هۆشیاركردنه‌وه‌ى گه‌نجان ده‌كه‌ن له رێگه‌ى تۆماركردنى ڤیدیۆوه و تائێستاش 5 ڤیدیۆیان به‌رهه‌مهێناوه.
شێوازى كاركردنى ئه‌م گروپه و به‌رهه‌مهێنانى ڤیدیۆكان به‌شێوه‌یه‌كه كه 2 گه‌نج خوێندكارى زانكۆ یان له ده‌ره‌وه‌ى زانكۆوه ده‌هێنن و بابه‌تێكیان بۆ دیاریده‌كه‌ن كه گفتوگۆی له‌سه‌ر بكه‌ن، بۆ ئه‌وه‌ى جیاوازی و هاوبه‌شی له بۆچونیاندا بخه‌نه‌ڕو، ئه‌مه‌ش به ئامانجی بره‌ودان به رۆحیه‌تى قبوڵكردنى جیاوازیی و رای جیاواز.
کارەکانمان بۆ زیادکردنی لێکتێگەیشتن و قبوڵکردنی یەکترییە
به‌وته‌ى به‌هات ساڵح، ئه‌ندامى گروپی سه‌یج، هه‌ر ئه‌ڵقه‌یه‌ك كه تۆمار ده‌كرێت، پێشتر ته‌وه‌ره‌كه‌ى به راوێژ له‌لایه‌ن ئه‌ندامانى گروپه‌كه‌وه دیارى ده‌كرێت.
ئه‌ركه‌كانى به‌ڕێوه‌بردنى كاره‌كانى ئه‌م گروپه دیاریكراون، به‌جۆرێك هه‌ر كارێك ئه‌ندام به‌ڕێوه‌ى ده‌بات، جگه له ئه‌ندامانه‌كانیش، به‌شێك له به‌رنامه‌كانیان له‌لایه‌ن كه‌سانى ده‌ره‌وه‌ى گروپه‌كه‌وه تۆمارده‌كرێت، ئه‌م ئه‌ركه‌ش له‌لایه‌ن محه‌مه‌د ته‌هاوه به‌ڕێوه ده‌برێت كه وه‌كخۆی ده‌ڵێت: كارى من مه‌یدانییه.
ئه‌و ڤیدیۆیانه‌ى كه تۆمار ده‌كرێت له‌لایه‌ن ئه‌م گروپه‌وه له سه‌كۆی یوتیوب بڵاوده‌كرێته‌وه، ئه‌م ئه‌ركه‌ش راسپێردراوه به دلۆڤان مه‌جید.
ئه‌و ده‌ڵێت: پێش بڵاوكردنه‌وه‌ى هه‌ر ڤیدۆیه‌ك، وردبینى بۆ ده‌كه‌م به‌مه‌به‌ستى ئه‌وه‌ى هه‌ڵه‌یان به‌سه‌ردا تێنه‌په‌ڕێت.
گروپه‌كه دڵگه‌رمانه كاره‌كه‌یان ئه‌نجام ده‌ده‌ن، ته‌نانه‌ت بۆ ئه‌وه‌ى زۆرترین كه‌س سود له به‌رهه‌مه‌كانیان وه‌ربگرێت، به وه‌رگێڕانى ئینگلیزی و عه‌ره‌بییه‌وه بڵاویانده‌كه‌نه‌وه. وه‌ك (شێوه) ئاماژه‌ى پێده‌دات، خه‌ون و پلانیان زۆره، به‌ڵام گرفتی دارایی رێگره له به‌دییهێنانیان.
ئه‌گه‌رچی بیرۆكه‌كه‌یان تازه‌یه و ئه‌ركه‌كه‌شیان قورسه، به‌تایبه‌تى كه پاڵپشتییه‌كى دارایی ئه‌وتۆیان نییه، به‌ڵام ئه‌ندامانى گروپی "سه‌یج"، دڵخۆشن به‌كاره‌كه‌یان، جه‌خت له‌وه‌ش ده‌كه‌نه‌وه سه‌رباری ئاسته‌نگییه‌كان، به‌ڵام ئه‌وان به‌رده‌وام ده‌بن، ئه‌ویش له‌پێناو قوڵكردنه‌وه‌ى رۆحیه‌تى یه‌كتر قبوڵكردن و گفتوگۆ له‌لایه‌ك و له‌لایه‌كی دیكه‌شه‌وه گوێگرتن له‌و رایانه‌ى كه ره‌نگه پێچه‌وانه‌ى بۆچونه‌كانیشمان بێت.
تەواوی راپۆرتەکە لەخوارەوە ببیستە...
- دوایین بابەتەکان
-
هەواڵدۆسیەی فرۆشتنی زەوی لەلایەن شارەوانی کفرییەوە بە قەدەغەکراویی ماوەتەوە
-
-
راپۆرتچەقۆ، مەترسییەک لەسەر گەردنی گەنجانی گەرمیان
-
-
هەواڵداواکاری گشتی گەرمیان سکاڵا لەسەر کارگەیەک دەجوڵێنێت
-
-
بەرنامەمەترسیی و لێکەوتەکانی پاشماوەی پاتری بۆسەر ژینگە
-
-
بەرنامەشانۆ چۆن ده‌توانێت خزمه‌ت به بوارى رۆشنبیریی له گه‌رمیان بكات؟
-
زۆرترین بینراوەکان
