بۆ کاراکردنی سیستەمی پریپەید بەڕێوبەرایەتی کارەبای گەرمیان چاوەڕێی گرێبەستێکە
هەواڵ
12:12AM - 2023/06/13 , بینین : 955
 
دەنگ نێت
 
بەڕێوبەرایەتی کارەبای گەرمیان لەبارەی کارکردن بە سیستەمی پریپەیدەوە دەڵێت: ئامادەکاری پێویستی بۆ کراوە و چاوەڕێی گرێبەستی وەزارەتی کارەباین لەگەڵ کۆمپانیای تایبەتمەند.
 
ئالان ئەرکان، وتەبێژی بەڕێوبەرایەتی گشتی کارەبای گەرمیان، بە رادیۆی دەنگی وت: تاوەکو ئێستا سیستەمی کارەبای پریپەید لە گەرمیان جێبەجێ نەکراوە و چاوەڕێی بڕیاری وەزارەتی کارەباین لەوبارەوە.
 
وتیشی: دەبێت وەزارەت لەگەڵ ئەو کۆمپانیایەی کە رایدەسپێرێت گرێبەست بکات، بەڵام تاوەکو ئێستا نەکراوە.
 
وەک خۆیشی ئاماژەی پێکرد، ئەوان ئامادەکاری پێویستیان کردوە و پلانیان هەیە کە سەرەتا سیستەمەکە لە پڕۆژەکانی نیشتەجێبونەوە دەست پێبکەن و پاشانیش لەنێو بازاڕدا بەکاری بخەن.
 
سیستەمی پریپەید، واتا هاوڵاتی پێشتر یەکەی کارەبا بکڕێت، بەپێچەوانەی ئێستاوە کە هاوڵاتی دوای بەکارهێنانی کارەبای نیشتمانی پارە دەدات، ئەمەش سیستەمێکە وەزارەتی کارەبا دەیەوێت کاری پێبکات بەشێوەیەک کە کارەبای نیشتمانی بکات بە ٢٤ کاتژمێریی، ئەگەرچی هۆشداری لەوە دەدرێت کە نرخی یەکەی کارەبا زۆر گرانتر دەبێت لەم حاڵەتەدا.