دەنگ نێت
بۆماوه‌ى 2 مانگه ژینگه پارێزان له نێو نه‌خۆشخانه و سه‌نته‌ره‌كان له گه‌رمیان نه‌ماون، تاوه‌كو ئێستاش ئه‌و گرفته چاره‌سه‌ر نه‌كراوه، به‌ڕێوبه‌رى ئیداره‌ى سه‌نته‌رى تیشك له كه‌لار ده‌ڵێت: جگه له ژینگه پارێزان هیچ پێداویستیه‌كى پاكه‌ره‌وه‌شمان بۆ دابین نه‌كراوه.
كاروان محه‌مه‌د ره‌شید، به‌ڕێوبه‌رى ئیداره‌ى سه‌نته‌رى تیشك له كه‌لار، بۆ رادیۆى ده‌نگ باسى له‌وه‌كرد: "له مانگى نیسانەوە تاوه‌كو ئێستا ژینگه‌پارێزان له نێو سه‌نته‌ره‌كه‌مان نه‌ماون، كارمه‌ندان و پزیشكان نێو سه‌نته‌ره‌كه پاك ده‌كه‌نه‌وه، تاوه‌كو ئێستا ئه‌و گرفته چاره‌سه‌ر نه‌كراوه.
وتیشى: جگه له‌وه‌ى ژینگه پارێزان نه‌ماون هیچ پێدویستیه‌كى پاكه‌ره‌وه‌شمان بۆ دابین نه‌كراوه و نه‌مان ماوه، ته‌نانه‌ت له هه‌فته‌ى پێشو داوامان له نه‌خۆشخانه‌ى قه‌ڵا كردوه 6 پاكه‌ت كلینسى بۆ ناردوین.
کێشەی نەبونی ژینگەپارێزان بۆ ئەوەدەگەڕێتەوە کە گرێبەستی کۆمپانیای پاککەرەوەی ناوەندە تەندروستییەکان تەواو بوە و تائێستا گرێبەستی نوێ نەکراوە، چەند مانگێک تەندروستی گەرمیان بە رێگای جێبەجێکردنی راستەوخۆ ژینگەپارێزی دابین کرد، بەڵام ئەوەش نەماوە و بۆ ٢ مانگی نەخۆشخانەکان بێ ژینگەپارێزن، هەتا ژمارەیەک هاوڵاتی و خێرخواز چەند ژینگەپارێزێکیان بۆ هەندێک لەو نەخۆشخانانە دابین کرد.
- دوایین بابەتەکان
-
وتارهێزی دانوستان له دیدی عەباس عێراقچییه‌وه
-
-
وتارخۆر وه‌كو جێگره‌وه‌ى كاره‌بای 24 كاتژمێریی
-
-
راپۆرتبۆچی نوسینگه‌كانى دراو مایه‌پوچ ده‌بن؟
-
-
هەواڵبەرپرسی لقی گەرمیانی یەکێتی قوتابیان "پارتی": رێگەم پێنەدرا خۆم لە کۆنگرەدا هەڵبژێرم
-
-
راپۆرت"كچان و كوڕانیش به‌كاریدێنن"... ڤه‌یپ، به‌ڵایه‌ك له‌نێو گیرفانى گه‌نجان دا
-
زۆرترین بینراوەکان
