دەنگ نێت

 

دوای رفاندنی ٢ شوانکاریان، دانیشتوانی ناوچەی داودە لە گەرمیان ئەمڕۆ راگەیەنراوێک بڵاودەکەنەوە و داوای چەکدارکردنیان دەکەن.

 

لە چەند رۆژی رابردودا چەکدارانی نەناسراو کە گومان دەکرێت داعش بن، ٢ شوانکارییان لە ناوچەی داودە لە ناحیەی زینانە لە قەزای کفری سەر بە ئیدارەی گەرمیان رفاند، کە ئەم ناوچەیە لەنێوان قەزای کفری و خورماتویە و بۆشاییەکی ئەمنی لەنێوان هێزەکانی پێشمەرگە و سوپای عێراقی تێدایە.

 

لە راگەیەنراوێکیشدا دانیشتوانی ئەم ناوچەیە، ژمارەیەک داواکاری ئاراستەی ئەنجومەنی وەزیرانی هەرێم و وەزارەتەکانی ناوخۆ و پێشمەرگە و ئیدارەی گەرمیان دەکەن، لەنێویاندا چەکدارکردنی هاوڵاتیانی ناوچەکە بۆ خۆپاراستن و پاڵپشتیکردن لە هێزەکانی پێشمەرگە.

 

هەروەک داواش دەکەن بە زوترین کات هەوڵ بدریت ئەو دو شوانکارەیان ئازاد بکرێن و هەوڵی ئازادکرنی ئەو ناوچانەش بدرێت کە لە ژێر دەستی (داعش) دایە.

 

هەروەک داواش دەکەن هێزەکانی پێشمەرگە پێشڕەوی بکەن و لە ناو گوندەکان دوربکەونەوە.

 

کردنەوەی رێگای (شوراو-دوزخورماتو)، یەکێکی ترە لە داواکانی دانیشتوانی ناوچەی داودە.

 

هۆشدارییش دەدەن لەوەی لە کاتی جێبەجێنەکردنی داواکاریەکانیان دا، رێگای دیکە دەگرنەبەر.