رادیۆی دەنگ
دوای ٦ رۆژ لە لێکۆڵینەوە و گەڕان، کەسێک بەتۆمەتی تەقەکردن لە ماڵی نەقیب هاوڕێ جەلیل- لێپرسراوی بەشی خانەقینی پۆلیسی دارستان، دەستگیرکرا.
عەقید- سۆران محەمەد غەریب، وتەبێژی بەڕێوبەرایەتی پۆلیسی گەرمیان، جەختی لە هەواڵەکە کردەوە و بۆ رادیۆی دەنگ وتی: کەمێک پێش ئێستا تۆمەتبارێک بەتۆمەتی ئەنجامدانی کردەوەی تەقەکردن لەماڵی نەقیب هاوڕێ، لەلایەن هێزەکانی بەڕێوبەرایەتی پۆلیسی گەرمیان و بەهاوکاری بەڕێوبەرایەتی ئاسایشی گەرمیان لەناو بازاڕی کەلار دەستگیر کراوە.
وتیشی: لەئێستا تۆمەتبارەکە بە فەرمانی دادوەر و بەپێی ماددەی ٤۳۰ لە یاسای سزادانی عێراقی، دەستگیرکراوە و لێکۆڵینەوە لەگەڵیدا بەردەوامە.
بەپێی زانیارییەکانی رادیۆی دەنگ، تۆمەتبارەکە راوچی بوە و پێشتر لەلایەن نەقیب 'هاوڕێ جەلیل'ـەوە دەستگیرکراوە و دواتر بە فەرمانی دادوەر لەسەر راوکردن سزا دراوە.
بەرەبەیانی رۆژی ۱۳ـی ۱۰ـی ۲۰۲٦، ماڵی بەرپرسی بەشی خانەقینی پۆلیسی دارستان و ژینگەی گەرمیان- نەقیب هاوڕێ جەلیل، درایە بەر دەستڕێژ و نزیکەی ۳۰ فیشەک نرایە ماڵ و ئۆتۆمبیلەکەیەوە کە ٢٢ فیشەکیان بەر ئۆتۆمبیلەکەی کەوت. روداوەکەش زیانی گیانی لێ نەکەوتەوە. لەوکاتەشەوە هێزەکانی پۆلیس و ئاسایش لێکۆڵینەوەیان لە روداوەکە دەستپێکرد.
- دوایین بابەتەکان
-
هەواڵکارەبا لەگەرمیان ٤٠ مێگاوات کەمیکردوە
-
-
هەواڵچاودێریی بازرگانی گەرمیان بۆ هاوڵاتیان: لە بەرزکردنەوەی نرخی شتومەک ئاگادارمان بکەنەوە
-
-
هەواڵلەسبەینێوە پارەی کۆتا وەجبەی پارەی گەنمی جوتیاران لە گەرمیان دابەشدەکرێت
-
-
هەواڵژمارەی ئەندامانی تیمی هەژماری من لەگەرمیان کەمدەکرێنەوە
-
-
هەواڵهێشتا زانکۆی خانەقین دروستنەکراوە و ململانێ بۆ وەرگرتنی پۆستی سەرۆکەکەی دەستیپێکردوە
-
زۆرترین بینراوەکان
