رادیۆی دەنگ
دواى ئه‌وه‌ى شاره‌وانیه‌كانى گه‌رمیان رایگه‌یاند كه نوسراویان ئاراسته‌ى وه‌زاره‌ت كردوه به‌مه‌به‌ستى پێدانى زه‌وى به فه‌رمانبه‌رانى گرێبه‌ست، به‌ڕێوبه‌رى ئه‌و به‌ڕێوبه‌رایه‌تیه ده‌ڵێت: وه‌زاره‌ت ره‌تىكردوه‌ته‌وه زەویان پێبدرێت، بەو‌هۆیەی فه‌رمانبه‌ری "میلاك" نین.
به‌رزان كه‌ریم، به‌ڕێوبه‌رى گشتى شاره‌وانیه‌كانى گه‌رمیان، بۆ رادیۆى ده‌نگ باسى له‌وه‌كرد: به‌شێوه‌ى راسته‌وخۆ و به نوسراوى فه‌رمیش زۆر قسه‌مان له‌گه‌ڵ وه‌زاره‌تمان كردوه بۆ ئه‌وه‌ى ئه‌و فه‌رمانبه‌رانه‌ى گرێبه‌ستن سودمه‌ندبن له وه‌رگرتنى زه‌وى، به‌ڵام به‌هۆى ئه‌وه‌ى گرێبه‌ستن و نه‌كراون به هه‌میشه‌یی، ئه‌وا ناتوانن سودمه‌ندبن.
وتیشى: له وه‌ڵامی وه‌زاره‌تماندا پێىان راگه‌یاندوین ئه‌نجومه‌نى وه‌زیران بڕیارى ده‌ركردوه ئه‌و فه‌رمانبه‌رانه بكرێن به هه‌میشه‌یى، له ئه‌گه‌رى جێبه‌جێكردنى فه‌رمانه‌كه و بون به هه‌میشه‌یی، ئه‌و فه‌رمانبه‌رانه ئه‌و كات ده‌توانن زه‌وییان بۆ ته‌رخان بكرێت.
ده‌شڵێت: سه‌ربارى ئه‌وه‌ش داوامان كردوه ئه‌و فه‌رمانبه‌رانه‌ى كه له 5 ساڵ زیاتر خزمه‌تیان هه‌یه ده‌كرێت سودمه‌ند بن، به‌ڵام وه‌زاره‌ت پێىراگه‌یاندین تاوه‌كو نه‌بن به هه‌میشه‌یی ئه‌وا ناتوانن سودمه‌ندبن.
- دوایین بابەتەکان
-
هەواڵبەرپرسی مەڵبەندی گەرمیان لەکاتی دەوامدا سەردانی زانکۆ دەکات و دەڵێت: دەستوەردان قبوڵ ناکەین
-
-
هەواڵزانکۆی گەرمیان: هەر خوێندکارێک تا پێنجشەمە پارەی خوێندن نەهێنێت بەرپرسیار دەبێت
-
-
راپۆرتکوشتنی زەردەخەنەکەی 'حەی عومال'
-
-
هەواڵدوای 10 ساڵ بەڕێوبەری گشتی تەندروستی گەرمیان دەگۆڕدرێت
-
-
هەواڵلە ناحیەی رزگاریی 15 سەر ئاژەڵ بە ڤایرۆسێک مرداربونەوە
-
زۆرترین بینراوەکان
