رادیۆی دەنگ
ئه‌و ناوانه‌ى كه پێشتر بۆ وه‌رگرتنى شوقه‌ى كه‌مده‌رامه‌تان له گه‌رمیان راگەیەنرابو، هه‌ڵوه‌شاوه‌ته‌وه؛ به‌رێویه‌رى بەڕێوبەرایەتی ئاوه‌دانكردنه‌وه‌ى گه‌رمیانیش ده‌ڵێت: وه‌زاره‌ت ئەو کارەی کردوە.
پشتیوان عه‌بدوڵڵا، به‌ڕێوبه‌رى به‌ڕێوبه‌رایه‌تى ئاوه‌دانكردنه‌وه‌ى گه‌رمیان، بۆ رادیۆى ده‌نگ باسى له‌وه‌كرد: پێشتر ئەو یه‌كانه‌ی بۆ کەمدرامەتان لە گەرمیان دروستکرابو، یه‌كلاكرابویەوە بۆ كۆمه‌ڵێك كرێنشین و كه‌مده‌رامه‌ت، به‌ڵام ساڵى رابردو وه‌زاره‌تمان ئه‌وه‌ى ره‌تكرده‌وه و له رێگه‌ى لینكێكى ئەلیکترۆنی ئۆنلاینی تایبه‌ته‌وه رایگەیاند كه دەبێت ناوى نوێ تۆماربكرێته‌وه به‌هۆى ئه‌وه‌ى كه 10 ساڵ پێش ئێستا ئه‌و ناوانه یه‌كلاكراونه‌ته‌وه و ئێستا گۆڕانكارى به‌سه‌ردا هاتوه و تیایاندا هه‌یه مردوه یان بوه به خاوه‌نى خانوى خۆى.
وتیشى: له كه‌لار 144 یه‌كه هەیە كه له رێكارى ته‌واوبوندایه و له قه‌زاى كفریش 36 یه‌كه هەیە كه %98ـی كاره‌كانیان ته‌واو بوه و تایبه‌ته به كه‌مده‌رامه‌تان.
جه‌ختى له‌وه‌شكرده‌وه: له‌سه‌ر ئاستى كوردستان وه‌زاره‌تی ئاوەدانکردنەوە كارى له‌سه‌ر شێوازی دابەشکردنی یەکەکان كردوه و په‌یوه‌ندى به ئێمه‌وه نه‌بوه، ئێمه ئه‌وه‌ى له‌سه‌رمان بوه به‌و كه‌سانه‌مان وتوه كه پێشتر سودمه‌ندبون و ناوه‌كانیان هه‌ڵوه‌شاوه‌ته‌وه، كه جارێكى تر ئه‌و فۆرمه پڕبكه‌نه‌وه.
هێماى بۆ ئه‌وه‌شكرد: ناوه‌كان به لیستێك و به‌پێى خاڵبه‌ندى گه‌ڕاوه‌ته‌وه و له ئیداره‌ى گه‌رمیانه، داواشکراوە بە لیژنە کەسانە وردبینیان تێدابكرێت بۆ ئه‌وه‌ى بزانرێت شایسته‌ن یاخود نا.
- دوایین بابەتەکان
-
بەرنامەنەبونی شوێنی یاریکردن چ کاریگەرییەکی بۆ سەر مناڵان هەیە؟
-
-
بەرنامە"کارەکانی دروستکردنی کۆرنیشەکەی کەلار راگیراوە"
-
-
بەرنامەتا چەند بایەخ بە هونەری سینەما دراوە لە گەرمیان؟
-
-
پرۆژەبهڕێوبهرایهتى ڤێتێرنه‌ریی گه‌رمیان: رێكارى نوێ گیراوه‌ته‌به‌ر بۆ رێكخستنه‌وه‌ى كوشتارگه‌كان
-
-
بەرنامەتاچەند چاودێری لەسەر کەرتی تایبەت هەیە؟
-
زۆرترین بینراوەکان
