رادیۆی دەنگ
دوای ئەوەی لە ڤیدیۆیەکدا لەسەر چیای ئەزمەڕەوە رایگەیاند کە لیستێکی تایبەتی دەبێت بۆ هەڵبژاردنی پەرلەمانی عێراق لە خانەقین، فەرمانی دەستگیرکردن بۆ "ئەبو مونتەزر" سەرکردەی پێشوی رەوتی بەدر دەرچو.
سەرچاوەیەک لە ئاسایشی سلێمانی بە رادیۆی دەنگی راگەیاند: ئەمڕۆ بازگەکانی ئاسایش لە سنوری سلێمانی ئاگادارکراونەتەوە لەکاتی تێپەڕینی 'کامەران وەیس عەلی مراد' ناسراو بە "ئەبو مونتەزر"، رابگیرێت و دەستگیر بکرێت.
ئەمەش دوای ئەوە هات کە شەوی رابردو ناوبراو ڤیدیۆیەکی بڵاوکردەوە کە تیایدا دەڵێت: لەسەر چیای ئەزمەڕەوە رایدەگەنم کە بۆ هەڵبژاردنی داهاتو لیستی تایبەتمان دەبێت لە سنوری خانەقین.
کامەران وەیس عەلی مراد ناسراو بە ئەبو مونتەزر، پێشتر ئامر فەوجی خانەقینی لیوای ١١٠ـی حەشدی شەعبی بو، دوای کۆتاییهاتنی داعش کرا بە بەرپرسی نوسینگەی خانەقینی رێکخراوی بەدر بو، دواتر لەو رێکخراوەش جیابویەوە. ناوبراو بەوە تۆمەتبار دەکرێت کە رۆڵی هەبوە لەو ئاژاوەگێڕییەی کە لە شەوی مەراسیمی نەورۆزی ئەمساڵ لە خانەقیندا ئەنجامدرا.
- دوایین بابەتەکان
-
هەواڵچالاکوانانی کفری هەڕەشەی دابڕینی شارەکەیان لە ئیدارەی گەرمیان دەکەن
-
-
هەواڵلەسەر کێشەی دەستشکاندنەوەی ئۆتۆمبیل لەکەلار کەسێک بریندار دەبێت
-
-
هەواڵتاوهكو ئێستا پۆستى به‌ڕێوبه‌رى پۆلیسى گه‌رمیان به وه‌كاله‌ت ماوه‌ته‌وه
-
-
هەواڵسەرکردەیەکی بەدر لە شاخی ئەزمەڕەوە رایدەگەیەنێت لیستیان دەبێت بۆ هەڵبژاردنی خانەقین
-
-
هەواڵوتەبێژی ئەنجومەنی مامۆستایانی ناڕازایی گەرمیان: ئەگەر موچە خراپ بێتەوە بایکۆتیش سەرهەڵدەداتەوە
-
زۆرترین بینراوەکان
