دەنگ نێت

 

به‌ڕێوبه‌رى گشتى په‌روه‌رده‌ى گه‌رمیان ده‌ڵێت: بڕ‌ى زیاتر له‌ ٤ ملیار دینارمان پێویسته‌ بۆ نۆژه‌نكردنه‌وه‌ى ناوه‌نده‌كانى خوێندن له‌ سنورەکە.

 

م. دارا ئه‌حمه‌د سه‌مین، بە تیمی 'یەکەی چاودێریی حکومەتی خۆجێی گەرمیان'ـی  سەر بە رادیۆی دەنگی وتوە: ئه‌و قوتابخانە 16 پۆلیه‌ى به‌ر گه‌رمیان ده‌كه‌وێت بڕیاره‌ دروست بكرێت كه‌ حكومه‌ت بڕیارى لێداوه‌، 1 ملیار و 650 ملیۆن دینارى بۆ ته‌رخان كراوه‌.

 

وتشى: ئه‌و 70 قوتابخانه‌شى كه‌ دیاریكراوه‌ له‌ سنورى په‌روه‌رده‌ى كه‌لار بۆ نۆژەنکردنەوەیان، به‌ كۆى گشتى 1 ملیار دیناریان تێده‌چێت.

 

هێماى بۆ ئه‌وه‌شكرد: هاوكات ‌و 16 قوتابخانه‌ى كفرى به‌ گوژمه‌ى 300 ملیۆن نۆژه‌نكراونه‌ته‌وه‌.

 

جه‌ختى له‌وه‌شكرده‌وه‌: بۆیه‌ به‌ كۆى گشتى  4 ملیار و نیو دینارمان پێویسته‌ بۆ نۆژه‌نكردنه‌وه‌، ئه‌مه‌ جگه‌ له‌وه‌ى هه‌ر بینایه‌ك كه‌ دروست ده‌كرێت 2 ملیار دیناری پێویسته‌.