دەنگ نێت
به‌ڕێوبه‌رى گشتی وه‌به‌رهێنانى گه‌رمیان ده‌ڵێت: كۆمه‌ڵگه‌یه‌كى كشتوكاڵى كه له چه‌ندین به‌ڕاد و گۆكا پێكهاتوه له سه‌ر روبه‌رى 15 دۆنم زه‌وى له گرده‌گۆزینه‌ى سه‌ر به قه‌زاى كه‌لار دروست ده‌كرێت.
هونه‌ر مه‌حمود، به رادیۆى ده‌نگى راگه‌یاند: پرۆژه‌ى كۆمه‌ڵگه‌ى كشتوكاڵى و فرێش بازاڕ له گرده‌گۆزینه‌ى سه‌ر به قه‌زاى كه‌لار له‌سه‌ر روبه‌رى 15 دۆنم زه‌وى دروست ده‌كرێت، ئه‌م پرۆژه‌یه‌ش لە جۆری بازرگانى كشتوكاڵییه.
وتیشى: ئه‌م پرۆژه‌یه خۆى ده‌بینێته‌وه له 21 به‌ڕاد و چه‌ندین گۆكاى تایبه‌ت به هاورده‌كردن و هه‌نارده‌كردنى به‌رهه‌مه كشتوكاڵیه‌كان و هه‌ڵگرتنى به‌رهه‌مى ناوخۆ به‌مه‌ستى مامه‌ڵه‌كردن به‌و به‌رهه‌مان له داهاتودا.
له باره‌ى ئه‌وه‌ى تاچه‌ند ناوچه‌ى گه‌رمیان زیاتر لە عه‌لوه‌یەکی تێدا جێگه ده‌بێته‌وه، به‌ڕێوبه‌رى گشتی وه‌به‌رهێنانى گه‌رمیان هێماى بۆ ئه‌وه‌شكرد: ئه‌م پرۆژه‌یه عه‌لوه نیه، به‌ڵكو عه‌لوه جیاوازه له پرۆژه‌ى كۆمه‌ڵگه‌ى كشتوكاڵى، چونكه ئه‌م پرۆژه‌یه كۆگا و به‌ڕادى تێدایه، هاوكات له ته‌نیشتیدا فرێش بازاڕیشی له‌گه‌ڵدا ده‌بێت.
جه‌ختى له‌وه‌شكرده‌وه: گوژمه‌ى ئه‌م پرۆژه‌یه خۆى ده‌بینێته‌وه له 3 ملیۆن دۆلار و له‌لایه‌ن كۆمپانیاى (خواست)ـه‌وه جێبه‌جێ ده‌كرێت.
- دوایین بابەتەکان
-
هەواڵبەڕێوبەری پەروەردەی کەلار لەسەر دۆسیەی 20 مامۆستاکە رونکردنەوە دەدات
-
-
راپۆرتكهس له گەنجانی گوندەکانى گه‌رمیان ناپرسێته‌وه
-
-
هەواڵخانەنشینانی گەرمیان گازندە دەکەن: پاداشتی کۆکراوەمان بۆ خەرج ناکرێت
-
-
هەواڵ20 مامۆستای گەرمیان دەڵێن لە بەغداوە ناومان لە لیستی موچە دەرهێنراوە
-
-
هەواڵلەسەرەتای ئەمساڵەوە دارستانە دەستکردەکەی کەلار ئاو نەدراوە
-
زۆرترین بینراوەکان
