ده‌نگ نێت

 

به‌هۆى به‌رزبونه‌وه‌ى پله‌كانى گه‌رما له‌ گه‌رمیان قائیمقامى كه‌لار ده‌ڵێت له‌گه‌ڵ وه‌زاره‌تى كاره‌با قسه‌مان كردوه‌ و بڕى كاره‌باى سنوره‌كه‌ زیادكراوه‌ و به‌ڕێوبه‌رى گشتى كاره‌باى گه‌رمیانیش ده‌ڵێت كاره‌با زیاد نه‌كراوه‌.

 

شه‌هاب ئه‌حمه‌د، قائیمقامى قه‌زاى كه‌لار به‌ رادیۆى ده‌نگى راگه‌یاند: كه‌ نزیكه‌ى ١٥ مێگاوات كاره‌باى گه‌رمیان پێشتر بڕدرابو ئێستا زیادكراوه‌ته‌وه‌.

 

ئاماژه‌ى به‌وه‌شكرد: ئێمه‌ داواى ٢٠ مێگاواتمان كردبو، به‌ڵام ئه‌وان ١٥ مێگاواتیان بۆ گه‌ڕاندینه‌وه‌.

 

له‌به‌رامبه‌ردا حازم كه‌ریم، به‌ڕێوبه‌رى گشتى كاره‌باى گه‌رمیان به‌ رادیۆى ده‌نگى راگه‌یاند: كه‌ بره‌ كاره‌باى گه‌رمیان زیادنه‌كراوه‌ و هاوشێوه‌ى پێشوه‌.