ده‌نگ نێت

 

نرخى به‌نزین به‌ شێوه‌یه‌كى به‌رچاو به‌رزبوه‌ته‌وه‌ و لایه‌نه‌ په‌یوه‌ندیداره‌كان و به‌رێوبه‌رایه‌تى نه‌وت و كانزاكانیش هیچ رونكردنه‌وه‌یه‌كیان له‌و باره‌یه‌وه‌ نه‌داوه‌.

 

پێشتر نرخى به‌نزینى محه‌سه‌ن و نۆرماڵ له‌ نێوان (470 بۆ550) دینار بو، به‌ڵام ئێستا نرخه‌كه‌ى (100 بۆ 130) دینار بۆ هه‌ر لیترێك زیادى كردوه‌ و هیچ هۆكارێكیش بۆ ئه‌و به‌رزبونه‌وه‌یه‌ نه‌خراوه‌ته‌ رو.

 

له‌ ئێستادا نرخى به‌نزینى نۆرماڵ بۆ لیترى (600)دینار و به‌نزینى محه‌سه‌ن بۆ (650) دینار به‌رزكراوه‌ته‌وه‌.

 

بۆ زانینى هۆكارى گرانبونى نرخى به‌نزین رادیۆى ده‌نگ چه‌ند جارێك په‌یوه‌ندى به‌ یادگار فه‌تاح، به‌ڕێوبه‌رى نه‌وت و كانزاكانى گه‌رمیانه‌وه‌ كرد، به‌ڵام په‌یوه‌ندیه‌كه‌ى بێ وه‌ڵام بو.