وه‌رزی هەشته‌مى پێشبڕكێی رۆژنامه‌وانیی مافه‌كانى مرۆڤ دەستپێدەکات

2023/10/01    665 جار بینراوە
 
رادیۆی دەنگ بە پاڵپشتی سندوقی نیشتیمانی بۆ دیموکراسیی NED ئەمریکی، هەشته‌مین وه‌رزی پێشبڕکێی رۆژنامەوانیی مافەکانی مرۆڤ تایبەت بەو راپۆرتە رۆژنامەوانیانەی پەیوەندیدارن بە مافەکانی مرۆڤەوە، ئەنجام دەدات.
 
رۆژنامه‌نوسانى هه‌رێمى كوردستان و له‌ ده‌زگا رۆژنامه‌وانیه‌ جیاوازه‌كانى: (خوێنراو، بیستراو، بینراو و ئه‌لیكترۆنى)، ده‌توانن له‌م پێشبڕكێیه‌دا به‌شداریی بكه‌ن به‌ راپۆرته‌ رۆژنامه‌وانیه‌كانیان، به‌ له‌به‌رچاوگرتنى ئه‌م مه‌رجانه‌ى لایخواره‌وه‌:
 
1. راپۆرتەکە بە زمانی کوردیی بێت و لە دەزگایەکی راگەیاندن دا لەماوەی ساڵی 2023 دا بڵاو بوبێته‌وه‌.
 
2. راپۆرتەکە پەیوەندیداربێت بە مافەکانی مرۆڤەوە.
 
3. ئاساییە ئەگەر راپۆرتەکە لەلایەن (2) رۆژنامەنوس یان زیاترەوە ئامادەکرابێت، بەڵام هه‌ر رۆژنامه‌نوسه‌ى ده‌توانێت تەنها بە (1) یه‌ك راپۆرت بەشداریی بکات.
 
4. بەشداربو لەگەڵ رەوانەکردنی راپۆرتەکەدا، لینکی ئەلیکترۆنی راپۆرتەکە بنێرێت، یان کۆپییەکی ئەو راپۆرتەی کە لە دەزگا رۆژنامەوانییەکەدا بڵاوبوەتەوە.
 
5. دوا مۆڵەت بۆ وەرگرتن و بەشداری راپۆرتەکان، رێكه‌وتى (15ی تشرینی دوەمی 2023)ـە.
 
بەشداران دەتوانن بەشدارییەکانیان بنێرن بۆ ئەم ئیمەیڵە:
Peshbrke.radiodang@gmail.com
 
بۆ هەر پرسیار و زانیارییەک دەتوانن پەیوەندیی بەم ژمارە تەلەفۆنەوە بکەن:
07719915050
 


Radiodeng.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 4,169,308     ژمارەی میوان 1747