رادیۆی ده‌نگ
ژنانى چالاكوانى قه‌زاى كه‌لار راهێنانیان پێده‌كرێت له‌باره‌ى پرسی به‌شداریی سیاسی ژنانه‌وه، ئه‌مه‌ش له‌چوارچێوه‌ى چالاكیه‌كانى پرۆژه‌ى بره‌ودان به به‌شداریی سیاسی ژنان كه رادیۆی ده‌نگ به پاڵپشتى وه‌زاره‌تى ده‌ره‌وه‌ى كه‌نه‌دا/ باڵیۆزخانه‌ى كه‌نه‌دا له عێراق جێبه‌جێی ده‌كات.
راهێنانه‌كه له‌لایه‌ن (ئاریان ره‌ئوف) مامۆستاى زانكۆ و پسپۆڕی بوارى سیاسه‌ته‌وه پێشكه‌شكرا و 10 چالاكوانى بواره جیاوازه‌كان له قه‌زاى كه‌لار به‌شدار بون، تیایدا به وردی له‌باره‌ى پرسی به‌شداریی سیاسی ژنان و گرنگی و رۆڵی ئه‌و به‌شدارییه راهێنانیان پێكرا، هه‌روه‌ك له‌میانه‌ى كارى گروپ و به‌شدارییه‌كانیانه‌وه، چالاكوانان دیارترین ئه‌و له‌مپه‌ر و كێشانه‌یان خسته‌ڕو كه له به‌رده‌م به‌شداریی سیاسی ژنان دان.
هه‌روه‌ك چالاكوانان كۆمه‌ڵێك ده‌ره‌نجام راسپارده‌شیان بۆ بره‌ودان به رۆڵی ژنان له بوارى سیاسی دا گه‌ڵاڵه‌كرد و خسته‌ڕو.
ئه‌م پرۆژه‌یه‌ى كه رادیۆی ده‌نگ به پاڵپشتى وه‌زاره‌تى ده‌ره‌وه‌ى كه‌نه‌دا/ باڵیۆزخانه‌ى كه‌نه‌دا له عێراق جێبه‌جێی ده‌كات، خۆی له چه‌ند خولێكى راهێنان و هه‌روه‌ها به‌رهه‌مهێنانى میدیایی له بوارى به‌شداریی سیاسی ژنان دا ده‌بینێته‌وه.
