خولی بنەماکانی کاری رۆژنامەوانی کۆتاییهات

2022/08/26    634 جار بینراوە
 
رادیۆی دەنگ
 
خولی بنەماکانی رۆژنامەوانی/ ئاستی سەرەتا لە کەلار کۆتاییهات كه‌ رادیۆی ده‌نگ به‌ پاڵپشتی سندوقی نیشتمانى بۆ دیموكراسی و به‌ هاوبه‌شى له‌گه‌ڵ منداڵپارێزى كوردستان/ سه‌نته‌رى چالاكی گه‌نجانى كه‌لار ئه‌نجامیان داوه‌.
 
له‌ خوله‌كه‌دا بۆ ماوەی (٥) رۆژ لە (٢١ تا ٢٥ـی ئابی ٢٠٢٢) بەردەوام بو و تیایدا بابەتەکانی: بنەماکانی رۆژنامەوانی و ئیتیکی رۆژنامەوانی، دیداری رۆژنامەوانی، هەواڵی رۆژنامەوانی و راپۆرتی رۆژنامەوانی، لەلایەن هەریەکە لە راهێنەران: د. یادگار عەلی، م. دەشتی عەلی، ئازاد عوسمان و دڵشاد ئەنوەرەوە پێشکەش کران.
 
لە خولەکەدا (٤٢) گەنج لە هەردو رەگەز بەشدارییان کرد و لەپاڵ وەرگرتنی بابەتی تیۆریی، راهێنانی کردارییشیان پێ ئەنجام درا.



Radiodeng.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 4,189,094     ژمارەی میوان 805