دەنگ نێت

 

دواى 13 ساڵ له‌ كردنه‌وه‌ى زانكۆى گه‌رمیان، تاوه‌كو ئێستا داننان به‌ زانكۆكه‌دا‌ نەنراوە له‌لایه‌ن وه‌زاره‌تى خوێندنى باڵاى عێراقەوە، سه‌رۆكى زانكۆکەش ده‌ڵێت: دۆسیه‌كه‌ لە وه‌زاره‌تى خوێندنى باڵای عێراقە و لیژنه‌یەکی بۆ پێكهێناوه‌.

 

د. فه‌رهاد قادر، سه‌رۆكى زانكۆى گه‌رمیان، بۆ رادیۆى ده‌نگ ده‌ڵێت: بۆماوه‌ى زیاتر له‌ 3 مانگه‌ دۆسیه‌ى داننان به‌ زانكۆى گه‌رمیان به‌ ته‌واوى مامه‌ڵه‌كانیه‌وه‌ راده‌ستى وه‌زاره‌تى خوێندنى باڵاى عێراق كراوە.

 

وتیشى: له‌ ئاستى وه‌زاره‌تى خوێندنى باڵاى عێراقیش لیژنه‌یه‌ك پێكهێنراوه‌ بۆ ئه‌و مه‌به‌سته‌ و چاوه‌ڕوانى ده‌رئه‌نجامى لیژنه‌كه‌ین.

 

زانكۆى گه‌رمیان له‌ ساڵى 2010ـەوە به‌ردى بناغه‌ى دانر و له‌ ساڵى 2011ـەوە وه‌ به‌ روى فێرخوازاندان كراوه‌ته‌وه‌.