دەنگ نێت
بۆ جارێكى تر نه‌شته‌رگه‌رى نیمچه‌تایبه‌ت له‌نێو نه‌خۆشخانه‌ى شه‌هید شێره‌ى نه‌قیب بۆ ژنان و مناڵبون له كه‌لار ده‌ستى پێكردوه‌ته‌وه.
د. به‌ناز جه‌لیل، به‌ڕێوبه‌رى نه‌خۆشخانەکە، بۆ رادیۆى ده‌نگ وتى: ماوەی دو هەفتەیە دەستمان بە ئەنجامدانی نه‌شته‌رگه‌ریی نیمچه‌تایبه‌ت کردوەتەوە.
وتیشی: ئه‌م جۆرە نه‌شته‌رگه‌رییه پێشتریش هه‌بوه، به‌ڵام به كۆمه‌ڵێك هۆكار راگیرا، له‌ئێستادا بۆ جارێكى تر ده‌ستى پێكردوه‌ته‌وه.
نەشتەرگەریی نیمچەتایبەت، نەشتەرگەرییەکە کە لەنێو نەخۆشخانە حکومییەکان لە دوای نیوەڕوان ئەنجام دەدرێت، لەبەرامبەریشیدا بڕێک پارە وەردەگیرێت، بەپێچەوانەی نەشتەرگەرییەکانی دیکە کە بێبەرامبەرن، هاوکات نرخەکەیشی لەچاو نەشتەرگەریی لە نەخۆشخانە ئەهلییەکاندا کەمترە.
له‌باره‌ى ئەوەی نرخى نه‌شته‌رگه‌رییه‌كان له نێو نه‌خۆشخانه‌كه‌دا چه‌نده؟ به‌ڕێوبه‌رى نه‌خۆشخانه‌ى شه‌هید شێره‌ى نه‌قیب بۆ ژنان و مناڵبون جه‌ختى له‌وه‌كرده‌وه: ناتوانم بڵێم نه‌شته‌رگه‌رییه‌كان به‌چه‌ند ده‌كرێن، چونكه نه‌شته‌رگه‌رییەک بۆ یەکێکی دی جیاوازیی هه‌یه، به‌جۆرێك ره‌نگه هه‌بێت 250 هه‌زاربێت ره‌نگه هه‌شبێت 300 هه‌زار دینار بێت، بەگشتیش پرۆسەکە لیژنه‌ى ژمێریاریی تایبه‌ت به خۆى هه‌یه و نرخه‌كانیش به‌پێى فه‌رمانه‌كانى وه‌زاره‌تی تەندروستی دیارییکراون.
- دوایین بابەتەکان
-
هەواڵلیژنەیەکی لێکۆڵینەوە لەسەر بەڕێوبەری گشتی شارەوانییەکانی گەرمیان پێکدەهێنرێت
-
-
هەواڵدواى 5 مانگ هێشتا سه‌رۆكێكى نوێ بۆ شاره‌وانى باوه‌نور دانه‌نراوه
-
-
بەرنامەدۆخی دەرمان و پێداویستیی له نەخۆشخانەی گشتی کەلار چۆنە؟
-
-
راپۆرتبەشداربوانی پڕۆژەی 'قەڵای شێروانە سیتی' ناڕه‌زایه‌تى ده‌رده‌بڕن
-
-
راپۆرتهێشتا فۆتۆگرافه‌ریی باوی ماوه
-
زۆرترین بینراوەکان
