دەنگ نێت

 

دواى ئه‌وه‌ى چه‌ند هاوڵاتیه‌ك له‌ ناحیه‌ى باوه‌نور رایانگه‌یاند ئه‌و قیره‌ى كه‌ له‌ نۆژەنکردنەوەی رێگاى سه‌ره‌كى ناو ناحیه‌كه‌ هه‌ڵده‌درێته‌‌وه‌، ده‌برێته‌ ده‌ره‌وه‌ى ناحیه‌كه‌، سه‌رۆكى شاره‌وانى ناحیه‌كه‌ش ده‌ڵێت: ته‌نها 2 بارمان بۆ دەرەوە بردوه‌.

 

هاوڵاتیه‌ك به‌ رادیۆى ده‌نگى راگه‌یاند: ئه‌و شه‌قامه‌ى كه‌ له‌ ئێستادا نۆژه‌ن ده‌كرێته‌وه‌ له‌ نێو ناحیه‌كه‌دا، قیره‌ کۆنەکه‌ى پاش هەڵگرتنەوەی، لەلایەن شارەوانییەوە ده‌برێته‌ ده‌ره‌وه‌، لەکاتێکدا کۆڵانی گەڕەکەکانی ناحیەکە زۆرینەیان گڵن و  پێویستە ئەو قیرە بۆ ئەو کۆڵانانە بەکاربێت.

 

لەبەرامبەردا، وه‌حید یوسف، سه‌رۆكى شاره‌وانى ناحیه‌ى باوه‌نور، بۆ رادیۆى ده‌نگ باسى له‌وه‌كرد: قیرە هەڵگیراوەکە هه‌موى له‌ ناو كۆڵانى گه‌ره‌كان دانراوه‌ و تەنها 2 بارمان بردوه‌ته‌ ده‌ره‌وه‌.

 

رونیکردەوە: ئەو دو بارەش بۆ به‌رده‌م مزگه‌وتێك بوه‌ له‌ ناحیه‌ى مه‌یدان، ئەگینا ئەوانی دیکەمان هەموی لە کۆڵانەکانی ناو ناحیەکەدا داناوە.