خولێك له‌باره‌ى بنه‌ماكانى مافی مرۆڤ

0003-10-17    1614 جار بینراوە

رادیۆی ده‌نگ

 

یه‌كه‌ى رۆژنامه‌وانیی مافه‌كانى مرۆڤ له‌ رادیۆی ده‌نگ، به‌هاوبەشی نوسینگه‌ى گه‌رمیانى مافی مرۆڤ، خولێكى له‌باره‌ى بنه‌ماكانى مافی مرۆڤه‌وه‌ بۆ ژماره‌یه‌ك له‌ رۆژنامه‌نوسانى رادیۆی ده‌نگ ئه‌نجامدا.

 

له‌خوله‌كه‌دا رۆژژانى 9 و 10ى ئادارى 2017  له‌هۆڵی سه‌نته‌رى چالاكی گه‌نجانى كه‌لار به‌ڕێوه‌چو، هه‌ندێك پرسی په‌یوه‌ندیدار به‌ بنه‌ماكانى مافی مرۆڤ و مافی كه‌سانى خاوه‌ن پێداویستیی تایبه‌ت و توندوتیژیی، شیكرانه‌وه‌. هه‌روه‌ك ئه‌وه‌ش رونكرانه‌وه‌ كه‌ رۆژنامه‌نوسان له‌ چ رویه‌كه‌وه‌و به‌ چ شێوه‌یه‌ك ده‌توانن روماڵی پرسه‌كانى مافى مرۆڤ بكه‌ن.

 

له‌ به‌شى یه‌كه‌مى یه‌كه‌م رۆژى خوله‌كه‌دا، خه‌بات ره‌شید، به‌ڕێوه‌به‌رى نوسینگه‌ى مافى مرۆڤى گه‌رمیان، باسێكى له‌باره‌ى  (پرنسیپە سەرەکیەکانی مافی مرۆڤ) پێشكه‌ش كرد.

 

پاشان له‌به‌شى دوه‌مدا، مافناس: یوسرا ره‌جه‌ب، خوێندكارى ماسته‌ر له‌ یاسا، باسێكى له‌باره‌ى مافه‌كانى كه‌سانى خاوه‌ن پێداویستیی تایبه‌ت و كه‌مئه‌ندامان پێشكه‌ش كرد.

 

له‌رۆژى دوه‌مدا، مافناس: حه‌یده‌ر فازڵ، لێپرسراوى به‌شى یاساو سكاڵا له‌ نوسینگه‌ى مافی مرۆڤى گه‌رمیان، باسێكى له‌باره‌ى توندوتیژیی و جۆر و هۆكار و كاریگه‌رییه‌كانى پێشكه‌ش كرد.

 

ئه‌مه‌ یه‌كه‌م چالاكیی هاوبه‌شى نێوان رادیۆی ده‌نگ و نوسینگه‌ى گه‌رمیانى مافی مرۆڤه‌، هه‌ردولا خۆشحاڵن له‌داهاتودا پرۆژه‌ى پێكه‌وه‌یی دیكه‌یان هه‌بێت.

 

 

 



Radiodeng.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 4,150,625     ژمارەی میوان 250