گه‌نجانى كه‌لار به‌ بنه‌ماكانى رۆژنامه‌وانى ئاشنا ده‌كرێن

2022/08/22    503 جار بینراوە
 
رادیۆی ده‌نگ
 
له‌ كه‌لار خولێك بۆ ئاشنابون به‌ بنه‌ماكانى رۆژنامه‌وانى ده‌ستیپێكرد، كه‌ رادیۆی ده‌نگ به‌ پاڵپشتی سندوقی نیشتمانى بۆ دیموكراسی و به‌ هاوبه‌شى له‌گه‌ڵ منداڵپارێزى كوردستان/ سه‌نته‌رى چالاكی گه‌نجانى كه‌لار ئه‌نجامیان داوه‌.
 
له‌ خوله‌كه‌دا و له‌سه‌ر ده‌ستى ژماره‌یه‌ك راهێنه‌ر و مامۆستای و پسپۆڕی بوارى راگه‌یاندن، گرنگترین پایه‌ و هونه‌ره‌كانى كارى رۆژنامه‌وانى به‌ به‌شداران ئاشنا ده‌كرێن به‌ پشت به‌ستن به‌ بنه‌ما پیشه‌ییه‌كانى بوارى رۆژنامه‌وانى.
 
د. یادگار عه‌لی، پسپۆڕی راگه‌یاندن، له‌ یه‌كه‌م رۆژى خوله‌كه‌دا، باسێكى له‌باره‌ى بنه‌ما گشتی و ئیتیكییه‌كانى رۆژنامه‌وانیه‌وه‌ پێشكه‌ش كرد و وێستگه‌كانى گه‌شه‌كردنى كارى رۆژنامه‌وانیی بۆ به‌شداران خسته‌ڕو.
 
خولی راهێنانى گه‌نجان له‌ بوارى رۆژنامه‌وانى/ ئاستى سه‌ره‌تا، نزیكه‌ى 40 گه‌نج له‌ هه‌ردو ره‌گه‌ز تیایدا به‌شدارن و بڕیاره‌ 5 رۆژ بخایه‌نێت.
 

 



Radiodeng.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 4,150,427     ژمارەی میوان 53