گرفته‌كانى به‌رده‌م زیادكردنى رێژه‌ى سه‌وزایی تاوتوێ دەکرێن

2021/07/19    105 جار بینراوە
 
رادیۆى ده‌نگ
 
رێژه‌ى سه‌وزایی له‌ گه‌رمیان به‌ شێوه‌یه‌كى گشتى كه‌مه‌ و ته‌نها له‌ سه‌نته‌رى شاره‌كان رێژه‌ى سه‌وزایی تا راده‌یه‌ك زیادكراوه، لە گفتوگۆیەکدا باس لە زاڵبون بەسەر ئەم گرفتەدا کرا‌.
 
یه‌كه‌ى چاودێرى حكومه‌تى خۆجێی گه‌رمیان، له‌ راپۆرتى ژماره‌ ٢١ى دا به‌ وردى كۆى گرفته‌كان و رێژه‌ى سه‌وزایی له‌ گه‌رمیان بڵاوكردوه‌ته‌وه‌. بەمەبەستی تاوتوێکردنی چۆنیەتی زاڵبون بەسەر ئەو گرفتانە و تێپەڕاندنی وەک لە راپۆرتەکەدا ھاتوە، یەکەکە گفتوگۆیەکی بۆ ژمارەیەک بەرپرسی حکومی و شارەزا رێکخست.
 
له‌ گفتوگۆ‌كه‌دا‌ هه‌ریه‌كه‌ له‌: ره‌شید به‌كر- به‌ڕێوبه‌رى دارستان و پاوانى گه‌رمیان، نیهاد وه‌لى- لێپرسراوى به‌شى باخچه‌كان له‌ به‌ڕێوبه‌رایه‌تى گشتی شاره‌وانیه‌كانى گه‌رمیان، ئارام نه‌جمه‌دین- به‌رپرسى به‌شى باخچه‌كان له‌ شاره‌وانى كه‌لار و عه‌بدلمته‌لیب ره‌فعه‌ت- مامۆستا له‌ زانكۆى گه‌رمیان بەشداربون.
 
به‌رپرسانى به‌شى باخچه‌كان و دارستان و پاوان، هۆكارى کەمی سەوزایی لە ناوچەکەدا ده‌گه‌ڕێننه‌وه‌ بۆ ئه‌وه‌ى كه‌ بودجه‌ى تایبه‌ت به‌ زیاتركردنى رێژه‌ى سه‌وزایی نیه‌ و كه‌مى كارمه‌ند یه‌كێكى دیكه‌یه‌ له‌ گرفته‌كانیان.
 
بە گشتی بەشداران باسیان له‌وه‌شكرد: كه‌ پێویسته‌ خه‌مى زیادكردنى رێژه‌ى سه‌وزایی ببێته‌ خه‌مێكى گشتى و هه‌وڵه‌كان بۆ زیادكردنى رێژه‌كه‌ یه‌كبخرێن.
 
 


Radiodeng.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 3,783,943     ژمارەی میوان 4